يوم في حياتي

اكيد كل انسان فى حياتة يوم عمره ماهينساه
سواء حلو جدا يحب يفتكرة ويفكرالى حوالية بية
ويفتكر تجربتة الى اكيد اتعلم منها

او يوم ظريف بيحب برضة يفتكرة ويقعد يضحك علية طول النهار

او يوم مش لطيف مابيحبش يفتكرة ولما حد يجى يقولة فاكر
يقولة: لاء مش فاكر ومش عايز افتكر

بتحصل ........... بتحصل

بس بينى وبينك بتبقى ايام زى العسل وبنتمنى انها ترجع تانى .

يوم واحد فى حياتنا بكل الايام الى جت والى هتيجى

تجربة جديدة
واحساس جديد

ممكن يبقى فى :

اول يوم مدرسة ...............

اول يوم جامعة ..................

اول يوم سفر او اول يوم غربة ...................

اول يوم قابلت فية نصك التانى ...................

او يوم خطوبتك او زفافك

لحظات جميلة مشاعر صافية . وطول ما احنا عايشين بنتعلم
وبنشوف وبنعرف

مش هتبقى مجرد سرد قصة او حكاية لا
هتبقى درس اتعلمنا منة كتير

ياريت كل واحد يكتب لنا يوم فى حياته
بس يقولنا أحداث اليوم ده
_________________